Punelive24.com
Latest News, Videos, Web Stories and Photos from Pune

काॅन्स्टेबलच्या २५ हजार जागा भरणार

कोरोना काळात बेरोजगारी वाढली असताना आता पोलिसांच्या जागांची भरती सुरू झाली आहे. राज्यात १२ हजार पोलिसांची भरती प्रक्रिया सुरू होण्याची प्रक्रिया सुरू झाली आहे. त्यातच स्टाफ सिलेक्शन कमिटीमार्फत पोलिसांच्या २५ हजार जागा भरण्यात येणार आहेत.

ऑनलाईन भरती

स्टाफ सिलेक्शन कमिशन मार्फत जनरल ड्युटी कॉन्स्टेबल पदाची ऑनलाईन भरती प्रक्रिया सुरू झाली आहे.

Advertisement

या भरती प्रक्रिये अंतर्गत २५ हजार २७१ जागा भरण्यात येणार आहे. यासाठीचे ऑनलाईन फॉर्म भरण्याची प्रक्रिया स्टाफ सिलेक्शन कमिशनच्या अधिकृत संकेतस्थळावर सुरु झाली आहे. ती ३१ ऑगस्टपर्यंत सुरू राहणार आहे.

अशी आहेत पदे

या परीक्षेसाठीचे परीक्षा शुल्क शंभर रुपये आहे. अनुसूचित जाती, अनुसूचित जमाती, माजी सैनिक व महिला यांना परीक्षा शुल्क माफ आहे.

या परीक्षेमध्ये सीमा सुरक्षा दल (बीएसएफ) ७५४५ , केंद्रीय औद्योगिक सुरक्षा दल म्हणजेच सीआयएसएफ ८४६४, सशस्त्र सीमा बल म्हणजेच एसएसबी ३८०६, इंडो तिबेटियन बॉर्डर पोलिस म्हणजेच आयटीबीपी १४३१, आसाम रायफल्स ३७८५, सेक्रेटेरियट सेक्युरिटी फोर्स म्हणजेच एसएसएफ २४० जागा अशा एकूण २५ हजार २७१ जागा भरल्या जाणार आहेत.

Advertisement

महिलांच्या तीन हजार जागा

यामध्ये पुरुषांच्या २२ हजार ४२४ तर महिलांच्या २८४७ जागा भरल्या जाणार आहेत. या पदांसाठी वयोमर्यादा खुल्या प्रवगार्साठी १८ ते २३ वर्षे, अनुसूचित जाती आणि अनुसूचित जमातीसाठी १८ ते २८ वर्षे याशिवाय इतर मागास प्रवगार्साठी (ओबीसी) १८ ते २६ वर्षे इतकी वयोमर्यादा आहे.

आवश्यक पात्रता

या पदांसाठीची शैक्षणिक पात्रता दहावी उत्तीर्ण आहे. उंचीची पात्रता पुरुषांसाठी १७० सेंटिमीटर तर महिलांसाठी १५७ सेंटीमीटर इतकी आहे. अनुसूचित जमातीमधील उमेदवारांना उंचीमध्ये सवलत देण्यात आली आहे.

यामध्ये पुरुषांची उंची १६२.५ सेंटीमीटर तर महिलांचे उंची १५० सेंटिमीटर इतकी आवश्यक आहे. पुरुषांच्या छातीचे मोजमाप घेतले जाते.

Advertisement

यामध्ये छाती न फुगवता ८० सेमी. व ५ सेमी. छाती फुगवता येणे आवश्यक आहे. तसेच उंची आणि वयाच्या प्रमाणात उमेदवाराचे वजन असणे आवश्यक आहे.

प्रश्नपत्रिकेचे स्वरुप

या पदांसाठीची लेखी परीक्षा १०० गुणांची वस्तुनिष्ठ बहुपर्यायी स्वरूपाची असून त्यासाठी ९० मिनिटे इतका वेळ निर्धारित करण्यात आलेला आहे. ही लेखी परीक्षा ऑनलाईन स्वरूपात होणार आहे.

यामध्ये सामान्य बद्धिमत्ता चाचणी व तर्कशक्ती, सामान्य ज्ञान, गणित व हिंदी किंवा इंग्रजी व्याकरण या चार विषयांचा समावेश आहे. लेखी परीक्षेत पात्र झालेल्या उमेदवारांची शारीरिक क्षमता चाचणी घेतली जाणार आहे.

Advertisement

या शारीरिक क्षमता चाचणीत पुरुष उमेदवारांना पाच किलोमीटर अंतर २४ मिनिटांत पूर्ण करणे आवश्यक आहे, तर महिला उमेदवारांना १.६ किलोमीटर अंतर आठ मिनिट ३० सेकंदामध्ये पूर्ण करणे आवश्यक आहे.

Leave a comment