ahmednagarlive24
Breaking News Updates Of Ahmednagar

पुणे, सातारा जिल्हा बँकांना ईडीच्या नोटिसा

उपमुख्यमंत्री अजित पवार यांच्या नातेवाइकांचा जरंडेश्वर सहकारी साखर कारखाना ईडीने जप्त केल्यानंतर आता या कारखान्याला कर्ज देणा-या पुणे आणि सातारा जिल्हा मध्यवर्ती सहकारी बँकेला ईडीने नोटिसा बजावल्या आहेत.

चौकशीला सामोरे जावे लागणार

आर्थिक गैरव्यवहार प्रकरणी ईडीने एक जुलै रोजी साताऱ्यातील जरंडेश्वर साखर कारखाना हा साखर कारखाना राज्याचे उपमुख्यमंत्री अजित पवार यांचे मामा राजेंद्र घाडगे यांचा आहे.

कारखान्यावर कारवाई केल्यानंतर आता हा कारखाना खरेदीसाठी ज्या बँकांनी कर्ज दिले होते, त्या बँकांना ईडीने नोटीस धाडली आहे.

ईडीकडून पुणे जिल्हा मध्यवर्ती सहकारी बँक लिमिटेड आणि सातारा जिल्हा मध्यवर्ती सहकारी बँक लिमिटेड या दोन्ही बँकांना नोटीस बजावली आहे.

कोरेगावच्या जरंडेश्वर साखर कारखाना कर्ज प्रकरणाची चौकशी करण्यासाठी ही नोटीस बजावण्यात आली आहे.

दोन्ही बँका राष्ट्रवादीच्या ताब्यात

सातारा जिल्हा बँकेने 96 कोटीचे कर्ज दिले असल्याच्या खुलाशाबाबत ही नोटीस बजावण्यात आली आहे.

सध्या जिल्हा बँक राष्ट्रवादीच्या ताब्यात असून पुणे जिल्हा बँकेसह जरंडेश्वरला चार बँकांनी कर्ज दिल्याची माहिती समोर आली आहे, आता या कर्ज प्रकरणात सातारा जिल्हा बँकेचाही सहभाग असल्याचे स्पष्ट झाले आहे.

कर्जाची कागदपत्रे मागितली

पुणे जिल्हा मध्यवर्ती बँकेने जरंडेश्वर साखर कारखान्याला तब्बल सव्वा दोनशे कोटी रुपयांचे कर्ज दिले आहे. या कर्ज वाटप प्रकरणी ईडीने बँकेला नोटीस बजावली आहे.

शुक्रवारी ही नोटीस देण्यात आली असून कर्जाच्या कागदपत्रांची माहिती देण्यास बँकेला सांगितले आहे.

काय आहे संपूर्ण प्रकरण?

जरंडेश्वर साखर कारखान्याने बँकेचे थकीत कर्ज न भरल्याने कारखाना जप्त करण्यात आला होता. माजी आमदार आणि महलूसलमंत्री शालिनीताई पाटील या कारखान्याच्या संस्थापक आणि अध्यक्ष होत्या.

साताऱ्यातील कोरेगाव येथील जरंडेश्वर साखर कारखाना थकीत कर्जामुळे लिलावात काढला होता. शिखर बँकेने या कारखान्याचा लिलाव केला होता; मात्र हा लिलाव हेतुपुरस्कर असल्याचा आरोपही करण्यात आला होता.

ज्या कंपनीची वार्षिक उलाढाल एक कोटींहून कमी होती त्या कंपनीने हा 60 कोटी रुपयांहून अधिक किमतीचा साखर कारखाना खरेदी केला होता. या संपूर्ण प्रकरणात आर्थिक गैरव्यवहार झाल्याने ईडीने ही कारवाई केली आहे.

 

You might also like
2 li