ahmednagarlive24
Breaking News Updates Of Ahmednagar

समूह शेती सर्वांच्याच फायद्याची

गटांच्या माध्यमातून समूहशेती केल्यास पिकाच्या काढणीनंतर प्रतवारी करून, गरजेनुसार पॅकिंग करणे अशी विविध कामे शेतकरी स्वतःच करू शकतात.

शेतीमालाला चांगला बाजारभाव मिळण्यासाठी कृषी उत्पन्न बाजार समित्यांच्या संपर्कात राहून इतर बाजारपेठांत शेतीमालाची खरेदी-विक्री कोणत्या दरात चालू आहे, यावर लक्ष ठेवणे सहज शक्य होणार आहे. त्यामुळे समूहशेती करणे ही काळाची गरज असल्याचे तज्ज्ञांनी सांगितले.

उत्पादन खर्च होतो कमी

‘अनेक अल्पभूधारक शेतकरी समूहशेतीच्या माध्यमातून आधुनिक शेतीच्या शास्त्राशी सुसंगत होऊन पूर्ण क्षमतेने कामे करतात.

यातून उत्पादन खर्च कमी येतो आणि शेतीत फायदा होतो; मात्र जे शेतकरी समूहशेतीकडे पाठ फिरवतात, अशा जवळपास पन्नास टक्के शेतकऱ्यांचा उत्पादन खर्च वाढतो.

यामुळे भविष्यात शेतकऱ्यांनी समूहशेतीची कास धरली पाहिजे,’ असे आवाहन कृषी तज्ज्ञांनी केले आहे.

स्वतंत्र शेती करण्यात नुकसान

बारामती कृषी विभागात साठ टक्क्यांपेक्षा अधिक शेतकरी अल्पभूधारक आहेत. लहान शेतकऱ्यांनी शेतकरी गटांची स्थापना करून आधुनिक शेतीत अनेक कामे एकत्र येऊन केल्यास सर्वांना फायदा होतो.

स्वतंत्र शेती करताना अनेक अडचणींमुळे कामे रखडून शेतकऱ्यांचे मोठे नुकसान होते. लहान शेतकऱ्यांनी रोजगार सुरक्षित ठेवण्यासाठी व चरितार्थ उत्तम चालविण्यासाठी समूहशेतीच्या कामाची कास धरण्याची गरज आहे.

स्वतंत्र शेती केल्याने शेतकऱ्यांचे पीककाढणी पश्चात अनेक बाबींकडे दुर्लक्ष होते, याकडे त्यांनी लक्ष वेधले.

समूह शेतीने वाढते काैशल्य

समूहशेतीमुळे उत्पादनखर्चात मोठी बचत होऊन, उत्पादनात वाढ होते. गटांच्या माध्यमातून बाजारभावावर लक्ष ठेवणे शक्य होते. समूहशेतीबरोबर कृषी तंत्रज्ञानासोबत काम करण्याचे कौशल्य शेतकऱ्यांमध्ये वाढत आहे.

 

You might also like
2 li