ahmednagarlive24
Breaking News Updates Of Ahmednagar

मिळकतींचा विकास केला, तर पीएमपीला पाचशे कोटी रुपयांचं उत्पन्न

पीएमपीच्या मिळकती विकसित झाल्यावर ५० रुपये चौरस फूट दराने भाडेतत्त्वावर देता येतील. त्यातून पीएमपीला दरवर्षी एक हजार ५१६ कोटी रुपयांचे उत्पन्न मिळेल. त्यामुळे दहा वर्षांत संपूर्ण जागा विकसित करण्याचा खर्च वसूल होईल.

त्यानंतरच्या २० वर्षांत पीएमपीला दरवर्षी ५०० कोटी रुपयांहून अधिक उत्पन्न मिळेल. हा निधी सार्वजनिक वाहतूक सक्षम करण्यासाठी वापरण्याचे पीएमपीचे नियोजन आहे.

आर्थिक परावंलित्व कमी होईल

पीएमपीच्या ताब्यातील जमिनी आणि मिळकतींचा विकास केला, तर ‘पीएमपी’ला दरवर्षी सुमारे ५०० कोटी रुपयांचे उत्पन्न मिळू शकणार आहे.

या बाबतचा आराखडा पीएमपी प्रशासनाने तयार केला असून संचालक मंडळाच्या बैठकीपुढे तो मंजुरीसाठी ठेवला आहे. या उत्पन्नामुळे पीएमपीचे दोन्ही महापालिकांवरील आर्थिक परावलंबित्व काही प्रमाणात कमी होऊ शकेल.

१५ आगारांचा विकास

पुणे महापालिका, पिंपरी चिंचवड महापालिका, पुणे महानगर क्षेत्र विकास प्राधिकरण (पीएमआरडीए) आणि महाराष्ट्र राज्य औद्योगिक विकास महामंडळ (एमआयडीसी) यांच्या कार्यक्षेत्रात पीएमपीची विकसित होऊ शकेल, अशी सुमारे शंभर एकर पेक्षा जास्त जमीन आणि मिळकती आहेत.

तसेच नरवीर तानाजीवाडी, पुणे स्टेशन, स्वारगेट स्थानक, स्वारगेट कार्यशाळा, बालेवाडी येथील आगार आणि जागा ‘टीओडी’ झोनमध्ये येत असल्यामुळे जादा चटई क्षेत्र निर्देशांक पीएमपीला उपलब्ध होणार आहे. त्यामुळे त्यांचाही अधिक विकास होऊ शकतो.

तसेच दोन्ही शहरांत पीएमपीचे १५ डेपो आहेत. त्यांचे विकसन केल्यास त्यातून पीएमपीला उत्पन्नाचा कायमस्वरूपी स्रोत निर्माण होऊ शकतो.

विकसित झालेल्या जागा पीएमपी भाडेतत्त्वावर देऊ शकते. पीएमपीच्या ताब्यातील मिळकतींचा आढावा घेऊन त्यातून पीएमपीने आराखडा निर्माण केला आहे.

You might also like
2 li