नगर जिल्ह्यातील जामखेड आणि खर्डा येथे जप्त केलेले भेसळयुक्त दूध अन्न आणि औषध प्रशासन विभागाने नष्ट केले आहे.

या दुधाचे नमुने तपासणीसाठी पाठविण्यात आले आहेत. त्यांचा अहवाल आल्यानंतर संबंधित संस्थांवर कारवाई करण्यात येणार आहे.

साडेआठ हजार लीटर दूध भेसळयुक्त

गाईचे सुमारे साडेआठ हजार लिटर भेसळयुक्त दूध नष्ट करण्याची कारवाई अन्न व औषध प्रशासनाने (एफडीए) केली.

Advertisement

दोन लाख २९ हजार ४१९ रुपये किमतीचे हे दूध जामखेड तालुक्यातील खर्डा येथील शिवकृपा दूध व संकलन केंद्रातून बारामती येथे विक्रीसाठी पाठविण्यात आले होते.

दुधाचे नमुने राज्य आरोग्य प्रयोगशाळेला पाठविण्यात आले असून अहवालानंतर कारवाई निश्चित करण्यात येणार आहे.

या अधिका-यांनी केला कारवाई

खर्डा येथून भेसळयुक्त दूध विक्रीसाठी बारामती येथे आल्याची माहिती ‘एफडीए’च्या अधिकाऱ्यांना मिळाली होती.

Advertisement

या माहितीच्या अनुषंगाने ‘एफडीए’चे सहायक आय़ुक्त अर्जुन भुजबळ यांच्यासह अन्न सुरक्षा अधिकारी शुभांगी अंकुश, बालाजी शिंदे, जिल्हा दुग्ध व्यवसाय विकास मंडळाचे पर्यवेक्षक राजेंद्र कांबळे यांच्या पथकाने बारामतीत छापा टाकला. अधिकाऱ्यांनी चाचण्या केल्या असता दूध कमी दर्जाचे व भेसळयुक्त असल्याचे आढळले.

 

Advertisement