लहानपणापासूनच काहींना पोहण्याची खूप आवड असते. अनेकजण तास् तास विहीर आणि स्विमिंग पूलमध्ये पोहण्याचा आनंद घेत असतात. पोहणे हा देखील एक व्यायाम प्रकारचं आहे. पोहण्यामुळे थकलेले शरीर रिफ्रेश होते. हे आपल्या शारीरिक आणि मानसिक आरोग्यासाठी खूप फायदेशीर ठरते.
पोहण्याचा सराव केल्याने आरोग्याला अनेक फायदे मिळतात. जर तुम्हालाही पोहण्याचा छंद असेल तर तो तुमच्या आरोग्यासाठी खूप फायदेशीर ठरू शकतो. आज आम्ही पोहण्याचे आरोग्य फायदे सांगत आहेत. चला जाणून घेऊ कोणते आहेत ते.
पोहण्याचे जबरदस्त फायदे
-पोहण्याने संपूर्ण शरीराची कसरत होते, ज्यामुळे शरीराचे स्नायू मजबूत होतात. तंदुरुस्ती सुधारते आणि शरीराची ताकद सुधारते. हे वजन नियंत्रित ठेवण्यासाठी देखील प्रभावी आहे.
-पोहणे तुमची हृदय व रक्तवाहिन्यासंबंधी प्रणाली मजबूत करते. पोहण्यात तुमचे हृदय, फुफ्फुस आणि रक्ताभिसरण प्रणाली यांचा समावेश होतो. यामुळे हृदयरोगाचा धोका अनेक पटींनी कमी होतो.
-पोहण्यामुळे तुमच्या सांध्यांवर जास्त ताण पडत नाही, त्यामुळे ज्या लोकांना गुडघेदुखी किंवा दुखापत आहे ते पोहण्याने सहज तंदुरुस्त राहू शकतात. याशिवाय दिव्यांग व्यक्तींनाही पोहता येते.
