पपई हे फळ कोणत्याही ऋतूत सहज उपलब्ध होते. हे आरोग्यासाठी खूप फायदेशीर आहे. फक्त त्याचे फळच नाही तर पपईच्या बिया आणि पाने देखील आपल्या आरोग्यासाठी फायदेशीर आहेत.
पिकलेल्या पपईमध्ये अनेक गुणधर्म असतात, पण कच्ची पपई अनेक रोगांवर औषधाप्रमाणे काम करते. कच्च्या पपईपासून अनेक प्रकारच्या पाककृती तयार केल्या जाऊ शकतात, जसे की कच्च्या पपईची कोशिंबीर, भाजी, लोणचे आणि हलवा इ. कच्च्या पपईमध्ये व्हिटॅमिन सी आणि व्हिटॅमिन ए भरपूर प्रमाणात असते, ज्यामुळे आपल्या शरीराला अनेक फायदे मिळू शकतात.
मधुमेहामध्ये कच्ची पपई खाण्याचे फायदे
कच्च्या पपईचे सेवन मधुमेहाच्या रुग्णांसाठी खूप फायदेशीर आहे. या समस्येचा सामना करत असलेल्या लोकांनी या चमत्कारी कच्च्या फळाचा त्यांच्या आहारात समावेश करणे आवश्यक आहे. त्यात फ्लेव्होनॉइड्स असतात, जे रक्तातील साखर नियंत्रित करण्यास मदत करतात.
मधुमेहामध्ये पपईच्या रसाचे सेवन
मधुमेहाचा त्रास असलेल्या लोकांसाठी पपई हे फळ रामबाण औषधापेक्षा कमी नाही, असे तज्ज्ञांचे म्हणणे आहे. एका संशोधनात असे आढळून आले आहे की पपईचा रस बीटा पेशींना नवीन जीवन देण्याचे काम करतो आणि रक्तातील इन्सुलिन वाढवण्यास मदत करतो.
पचनासाठी कच्ची पपई
कच्च्या पपईमध्ये पपेन आढळते, जे आपली पचनशक्ती सुधारण्यास उपयुक्त ठरू शकते. त्यात विरघळणारे फायबर पोटातील गॅस आणि बद्धकोष्ठता दूर करण्यासाठी उपयुक्त ठरू शकते. हे खाल्ल्याने तुमचे पोट अगदी सहज साफ होईल.
यकृतासाठी कच्ची पपई
यकृत मजबूत करण्यासाठी कच्च्या पपईचा आहारात समावेश केला जाऊ शकतो. या फळाचा आहारात समावेश करण्यासाठी त्याची भाजी किंवा चटणी करून खाऊ शकतो.
