मुंबई – शहनाज गिल (Shehnaaz Gill) आणि सिद्धार्थ शुक्ला यांची जोडी चाहत्यांना खूप आवडली होती. अभिनेत्याच्या मृत्यूनंतर हे जोडपे कायमचे वेगळे झाले. सिद्धार्थच्या जाण्याचा धक्का शहनाजला सहन झाला नाही. मात्र, शहनाजने मोठ्या कष्टाने स्वत:ला सावरले आहे. सध्या ती तिच्या आगामी ‘कभी ईद कभी दिवाळी’ या चित्रपटामुळे चर्चेत आहे.

दरम्यान, सोशल मीडियावर ती डान्सर राघव जुयाल(Raghav Juyal)ला डेट करत असल्याच्या बातम्या येत आहेत. तिला याबाबत विचारले असता ती चांगलीच भडकली असल्याचे दिसून आले.

शहनाज गिल (Shehnaaz Gill) आणि डान्सर राघव जुयाल (Raghav Juyal) यांच्या डेटिंगची बातमी इंटरनेटवर आगीसारखी पसरली. यामागचे सत्य काय आहे हे चाहत्यांना जाणून घ्यायचे होते.

दरम्यान, तिचा भाऊ शाहबाजच्या गाण्‍याच्‍या लाँचच्‍या कार्यक्रमाच्‍यावेळी ही अभिनेत्री पापाराझींसमोर आली. यावेळी तिला कोरिओग्राफर राघव जुयालसोबतच्‍या लिंक-अपबद्दल विचारले असता ती अजिबात खूश दिसली नाही.

यावर शहनाज (Shehnaaz Gill) गिल म्हणाली, “मीडिया खोटं का बोलतो? मीडिया प्रत्येक वेळी खोटे बोलतो आणि काहीही बोलतो. जर आपण कोणाच्या पाठीशी उभे राहिलो किंवा एखाद्यासोबत हँग आउट केले तर ते नातेसंबंधात आहे का? असं ती म्हणाली.

उल्लेखनीय आहे की शहनाज गिल (Shehnaaz Gill) आणि राघव जुयाल (Raghav Juyal) सलमान खानच्या ‘कभी ईद कभी दिवाळी’ या चित्रपटात काम करत आहेत.

शहनाज आणि राघव ऋषिकेशच्या सहलीला गेले होते. दोघांची जवळीक वाढत असल्याच्या बातम्या सोशल मीडियावर पसरल्या होत्या. या चित्रपटाद्वारे अभिनेत्री बॉलिवूडमध्ये पदार्पण करत आहे.

दरम्यान, अलीकडेच शहनाज गिलला ईद कभी दिवाळीतून हाकलण्यात आल्याच्या बातम्या आल्या होत्या. त्यानंतर अभिनेत्रीने तिच्या इन्स्टा पोस्टमध्ये लिहिले की,

गेल्या काही आठवड्यांपासून या अफवा माझ्या मनोरंजनाचा रोजचा डोस बनल्या आहेत. मी चित्रपट पाहण्यासाठी लोकांची प्रतीक्षा करू शकत नाही आणि अर्थातच मी चित्रपटातही आहे. या आशयाची पोस्ट तिने केली होती.