Punelive24.com
Latest News, Videos, Web Stories and Photos from Pune

या देशातील महिला बॉक्सिंग कोच देत आहे 20 पुरुषांना प्रशिक्षण , बक्षिसाच्या रकमेतून खरेदी केल्या प्रशिक्षणासाठी वस्तू

इजिप्तची पहिली महिला बॉक्सिंग प्रशिक्षक सबा सकर यांनी एक अनोखे उदाहरण सर्वांसमोर मांडले आहे. पुरुषांना बॉक्सिंगमध्ये प्रशिक्षण देणारी इजिप्तमधील ती पहिली महिला प्रशिक्षक आहे.

हा प्रवास सबासाठी सोपा नव्हता. यासाठी त्यांना टीकेला सामोरे जावे लागले. अर्थात इजिप्त हा देश असा आहे की जेथे महिलांना स्वातंत्र्य नाही. असे असूनही, त्या एक बॉक्सर बनल्या आणि आता पुरुषांना प्रशिक्षण देत आहेत.

ईजिप्तमधील शहर बेनी सुएफमध्ये, एका छोट्याश्या खोलीत व्यायामशाला आठवड्यातून दोनदाच चालू असलेली दिसते . येथे 36 वर्षीय महिला सबा सकर 18 ते 30 वयोगटातील 20 हून अधिक तरुणांना बॉक्सिंग शिकवतात .

Advertisement

देशाच्या राजधानी कैरोमध्ये महिलांना अशी कामे करण्यास मनाई आहे परंतु राजधानीपासून 100 किलोमीटरवर असलेल्या या कृषी क्षेत्रात सबा हे केंद्र चांगले चालवित आहेत. त्या इजिप्तच्या पारंपरिक आणि सामाजिक प्रतिबंधित समाजातील तरुणांना प्रशिक्षण देत आहे.

सबा इजिप्तच्या पहिल्या महिला बॉक्सिंग प्रशिक्षक आहेत. सबा म्हणतात, सुरुवातीला हे कोणालाही मान्य नव्हते. इजिप्तमध्ये अशा प्रकारच्या कोणत्याही खेळाचे प्रशिक्षण महिलांना मान्य नाही. पण माझे समर्पण आणि परिश्रम पाहून सर्वजण सहमत झाले. सबाच्या म्हणण्यानुसार, त्यांनी एक छोटी खोली भाड्याने घेऊन ही व्यायामशाळा सुरू केली.

हळूहळू येथे सर्व सामान एकत्र केले. बक्षिसाच्या रकमेचा मोठा भाग या जिममध्ये गुंतविला आहे. त्याच वेळी, सबाकडून प्रशिक्षण घेतलेले अम्र सलाह इल्दिन म्हणतात – बेनी सुएफ कोचची कमतरता आणि सबाचा अनुभव आणि योग्यतेमुळे मला त्याच्याकडून प्रशिक्षण घेणे भाग पडले.

Advertisement

दोन वर्षांत दहापेक्षा जास्त पदके आणि बर्‍याच चॅम्पियनशिप जिंकलेल्या सबा म्हणतात, मला बॉक्सिंगमध्ये जाण्याची इच्छा नव्हती परंतु माझे सामर्थ्य व उर्जा पाहून माझ्या प्रशिक्षकाने मला या खेळासाठी निवडले. मला हा खेळ देखील आवडत नव्हता कारण मला माझ्या चेहऱ्याची काळजी होती.

कोचमुळे सबा बॉक्सिंगमध्ये उतरल्या, परंतु जेव्हा त्यांनी रिंगमध्ये प्रवेश केला तेव्हा त्यांनी दोन वर्षांत बर्‍याच चॅम्पियनशिप आणि 10 हून अधिक पदके जिंकली. त्यानंतर त्यांनी कोचिंग देण्यास सुरवात केली.

Advertisement
Leave a comment