ahmednagarlive24
Breaking News Updates Of Ahmednagar

२० हजार प्रशिक्षित मनुष्यबळ होणार

कोरोना साथीच्या पार्श्वभूमीवर आरोग्य क्षेत्राचे महत्व अधोरेखीत झाले आहे. कोरोनाची तिसरी लाट तोंडावर आहे. आता वेगवेगळे साथीचे विकार तसेच अन्य आजारांचे प्रमाण वाढले आहे.

अशा पार्श्वभूमीवर राज्यांत आरोग्य व्यवस्थापनाशी निगडीत ३६ अभ्यासक्रम सुरू करण्यात आले असून, त्यातून वीस हजार प्रशिक्षित मनुष्यबळ उपलब्ध होईल.

महाआरोग्य कौशल्य विकास कार्यक्रमाचा प्रारंभ

मुख्यमंत्री महाआरोग्य कौशल्य विकास कार्यक्रमाचा मुख्यमंत्री उद्धव ठाकरे यांच्या हस्ते आणि उपमुख्यमंत्री अजित पवार यांच्या प्रमुख उपस्थितीत प्रारंभ करण्यात आला.

या क्षेत्राला भरीव मनुष्यबळ उपलब्ध करून देण्यासाठी शासन कटीबद्ध आहे. या योजनेतून आरोग्य क्षेत्राला कुशल मनुष्यबळ उपलब्ध होईल.

हे आरोग्यदायी, निरोगी महाराष्ट्राच्या ध्येयाकडे वाटचाल करतानाचे महत्वाचे पाऊल ठरेल, असा विश्वास मुख्यमंत्र्यांनी या वेळी व्यक्त केला.

कोरोना परिस्थितीत आवश्यक असलेल्या हेल्थकेअर, नर्सिंग, पॅरामेडिकल यांसारख्या क्षेत्रामध्ये विविध ३६ अभ्यासक्रमांमधून येत्या तीन महिन्यात २० हजार इतके प्रशिक्षित मनुष्यबळ उपलब्ध करून देण्यात येणार आहे.

आरोग्य विभागाला जादा निधी

मुख्यमंत्री ठाकरे म्हणाले, की काळाची गरज ओळखून आपण हा प्रशिक्षण कार्यक्रम सुरू करत आहोत. नुकत्याच झालेल्या हिवाळी अधिवेशनात पुरवणी मागण्याद्वारे आरोग्य विभागाला सर्वाधिक निधी उपलब्ध करुन देण्यात आला आहे.

कोरोना संकटकाळात आपण आरोग्य क्षेत्रासाठी सोयी-सुविधांची मोठ्या प्रमाणात उभारणी केली आहे; पण या सोयी-सुविधा चालवणारे प्रशिक्षित मनुष्यबळ उपलब्ध नसेल, तर त्याचा उपयोग होत नाही.

आता कौशल्य विभागाने आज सुरू केलेल्या उपक्रमातून हे मनुष्यबळ तयार होण्याबरोबरच राज्यातील बेरोजगार युवक-युवतींना रोजगाराची संधी उपलब्ध होईल. राज्यात ही योजना प्रभावीपणे राबविली जाईल, असे ते म्हणाले.

 

You might also like
2 li