सूरज बडजात्याने सलमान खानला नकार दिला:

बॉलिवूडचा सुपरस्टार सलमान खान (salman khan) सध्या टीव्ही शो बिग बॉस 16 (bigg boss 16) व्यतिरिक्त त्याच्या चित्रपटांमुळे चर्चेत आहे. अलीकडेच सलमान खानने “टायगर ३” (tiger 3) आणि “किसी का भाई किसी की जान” (kisi ka bhai kisi ki jaan) या चित्रपटाच्या प्रदर्शनाच्या तारखेबाबत मोठा खुलासा केला होता. सलमान खानने त्याच्या सोशल मीडिया हँडलवरून ही माहिती दिली आहे. पण एक चित्रपट असा होता ज्यात सलमान खानला अभिनय करायचा होता, पण त्याचा मित्र आणि सुप्रसिद्ध दिग्दर्शक सूरज बडजात्याने (suraj badjatia) त्याला घेतले नाही. हे कळल्यानंतर सलमान खानचे चाहते खूश दिसत नाहीयेत.

सलमान खानला ‘उंचाई’ मध्ये काम करायचे होते:

अमिताभ बच्चन (amitabh bachchan), बोमन इराणी (boman irani), नीना गुप्ता (neena gupta), परिणीती चोप्रा (pariniti chopra) आणि अनुपम खेर स्टारर ‘उंचाई’ (unchaai) या चित्रपटाचा ट्रेलर नुकताच लाँच (trailer launch) झाला आहे. या चित्रपटाचा ट्रेलर व्हिडिओ पाहिल्यानंतर चाहते खूप आनंदी दिसत आहेत. या ट्रेलर लाँचदरम्यान सूरज बडजात्याने सलमान खानबद्दल मोठा खुलासा केला आहे. त्याने सांगितले की, सलमान खानला या चित्रपटात काम करायचे होते. पण मला त्यांना नकार द्यावा लागला. कारण मला या चित्रपटात पूर्णपणे वेगळी कास्ट हवी होती. मीडिया रिपोर्ट्सनुसार, तो म्हणाला की ‘मला चित्रपटात असे स्टार हवे होते जे पर्वत चढू शकत नाहीत, मला माहित आहे की सलमान खान पर्वत चढू शकतो’. ही बातमी समोर आल्यानंतर सलमान खानचे चाहते खूश दिसत नाहीत.

या चित्रपटात सूरज बडजात्यासोबत काम केले:

सलमान खान आणि सूरज बडजात्या या जोडीची बॉलिवूडमध्ये खूप चर्चा आहे. सलमान खान सूरज बडजात्याच्या “हम आपके है कौन” (hum aapke hain kaun) आणि “मैने प्यार किया” (maine pyaar kiya) सारख्या सुपरहिट चित्रपटांमध्ये दिसला आहे. सूरज बडजात्याचा ‘उंचाई’ हा चित्रपट यावर्षी 11 नोव्हेंबरला रिलीज होणार आहे.